هيئة الحلمنتيش العليا

ارجو ان يكون هذا البوست خاصا بالشعر الحلمنتيشى المحبب الى قلوب الكثيرين
وان يكون متجددا وكل من له اسهام ان يودعه هذا البوست (هيئة الحلمنتيش العليا)

وبأسم الله نبدأ :


في انتظار البترول للشاعر: زول راجي البترول.(May 2005)

======

حباب بترولنا فرحانين

ولي جيتك رجينا سنين
طلعت روحنا قبّالك
وطلّعوا زيتنا معصورين
قالوا بطون ، تربطوها .. ربطانها
هم فكّوا .. بقت كرشاً تشيل جاهلين
قالوا دقون ، تربّوها .. ربيناها
هم حلقوا .. صبحوا مُلُس حلاتو حسين
قالوا تدكّوا .. دكيناها
بس جرّونا ليك خمسين
أخدنا اسنافيك وفي قبولنا
ورق يا أخوانّا فيو "آسين"!
لكن بس خلاص سودانّا بتصلّح
وتبقى "أمبّدة " زي "برلين"
تعال شوف كيف جنيهنا يعود
مكانو الفاتو ليهو سنين
جنيه حيساوي اتناشر
ما "دولار" "استرلين"
مزارعنا بتدّور جد.. مزارع فول وأب سبعين
نسوق عرباتنا نص الليل ..ونحرقوا ليك جِنِس بنزين
وتبقي الكهرباء بي بلوشي
لا أمطار أبت تهطل ..ولا طوربينا خشّاها طين
والغسالة كهربا ساااااي .. تكوي براها لو عايزين
تعال شوف ليك جِنِس تكييف
ونوم يا زول لحدي اتنين
بدل سودان .. نكون صفران .. نكون بويضان
ونبقى بويض ومرتاحين
والطب زاتو يتطّور .. نركّب للمريض قلبين
دكاكين حقّت اسبيرات .. كلاوي كِبَد أذين وبطين
دكاترة يجونا من برّة..دكاترة يجونا من لندن
عشان القحّة والتسنين!
علاج مجّاني ندفع ليك لو تمرض
منو البمرض! يقيسوا الدم ميّة وعشرين
والتعليم يكون ثورة .. تعم الناس ويفهموا زين
عشان ما يسامحوا زي أوّل
الياكل الناس باسم الدين
يجينا وزير كلامو كُتُر
يخت الخمسة في الإتنين
حندخل عاشرة وحداشر
قراية الجامعة بس سنتين
ينظّر زي فلان داكا ..محامي من أهل لينين
والبسقط ننجحوا لو وحيد أمّو .. عشان مسكين
ونلغي مدارس الوزرا..وينجحوا ناس خلف والزين
والقانون صريح واضح .. مصدّق لي كل زول بيرين
تعال شوف المشاكل عاد ..بيري وبيرك اتفتحوا
وياخ سلّفني طن بنزين
وعايز لي استخدام بتاع علماء فللك اتنين
وعالم ذَرّة متمكّن .. عشان ياخ ولدي ساقط دين
آدم موسى من دارفور
عاوز ليهو بيّاعين للتنباك .. عشان أصلي
يكونوا هنود وجامعيين
وواحد عندو كافتيريا .. خَلّى الحبشة والصومال
قال لبنان وسن عشرين
عاد بنّوتنا باراً جد..مع لبنان واستنطبول
بنات تلقى الشَعر مترين
وما غاليات عِرس الواحدة بي ألفين
ونتبوبر عاد جِنِس بوبار ..كلامنا يكون طرف نخرين
أكيد سوداننا بتطوّر
لو حاكمنا كل سارق ..وكل غدّار بس سنتين
أكيد بترولنا راح يطلع .. وبنسيّروا بالعديل والزين
بس البترول هو ما بنزين..هو الإيمان صحيح ما غِش
هو شرع الله ما تلوين
كيف بترولنا بس يطلع
بترولنا الدهب ..ماسات في المنجم
ومنجّمنا ياهو الدين

أكثر مايميّز هذه القصيدة أنها تتعامل مع أكثر من قضية في وقت واحد وبصورة جذّابة .. ويقفز الشاعر فيها فجأة من مجال الفكاهة إلى بعص التلميحات السياسية .. وأحلى شي فيها الطريقة الدرامية التي تتحول بها حياتنا بعد مجيء البترول .. ومرّة أخرى السودان هو الشاغل الأكبر لجميع شعراء السودان ومهما كان نوع القصيدة فيتم إقاحمه .. ولكن قد يكون موقعه مناسب في هذه القصيدة .. ولعلّي أسترجع مقولة أحدهم أن الشعر والغناء السوداني هو في إجماله شعر وطني .. وإن حمل بعض سمات الغزل أو المدح أو حتى الذم!

بت هندسه

انا راسى جاط ما بين هواك والدبرسه
الفت عشرين الف بيت سبعين قصيده مؤسسه
شان مره الفت انتباهه ومره اقدر احسسه

يا حلوه يا بت هندسه

يا حله يا زينت البنات يا نجمه اليل و المسه
انا رقم اشكال الشتات حاضن عواطفيك وحارسه
انا فى هواكى بقيت فتات ودخلت عشرين مدرسه
جنيت مع كليمات هواك بى قلبى قاعد اتنفسه

يا حلوه يا بت هندسه
كان شفتى يا بت هندسه........

خطواتى دايمنب بالغلط وامورى ديما معكسه
يوم داك مساهر فى الهدوم وكويتا جت شاهن البسه
لقيته الصباح حقات اخوى وهدومى قاعده مكرفسه
كان للهدوم ما مشكله بشوف لى مصيبتا البسه
لكن هواك اعملو ايه دش دش عضامى وهرسه
داير لى فرصه اكون قريب طبله قليبيك افلسه
عشان تشوفى هواكى كيف بهدل عواطفى ودعفسه
كليماتى ليك اتبشتنت ما زى زمان متهندسه
حتى الشعر الكان زمان كلماتوا حلوه مملسه
هسى اتلخم بقى كيف كده مافيهو كلمه مهندسه
انتى السبب فى كل دا يا احلى اسباب الاسه

يا حلوه يا بت هندسه

انا ياخ بريدك اعمل ايه ورينى يا بت هندسه
امشى واكورك فى الظلط يا ناس بريد بت هندسه
كم مره قلت اقوم براى واقد معاها واحدسه
لكنى ما بقدر عديل مابقدر انضم اونسه
خليك من اشرح ليها حالى وحبى ليك والدبرسه
يا هنايه دا اقوليك كلام اصلو السكوت فيو وسوسه
انا يا ملاك انا بعشقيك وما اظن بلاك ارجا المسه
دايريك تكونى لى حبيبه وابقى ليكى حبيب قسه
اكسيك هواىوتلبسينى نعيم هواك اجمل كسه
ويا ربى كل عاشق نبيل تديهو زى بت هندسه
وترعاها من عين الحسود ومن توب جمالك لبسه
ويا ربى تحفظا لى براى ويا ربى تحفظا تحرسه

الشعر الحلمنتيشي شعر فريد وساخر لكنه محبب وقريب الى النفس لانه يحكي عنها وعن مايجيش في دواخلها اختيار موفق منك د/ كمال سيد الدراوي واسمح لي بان ارد على القصيدة الأولى بقصيدة قراتها قبل فترة في صحيفة دنيا الكاركتير عام 1999م واحتفظت بها من شدة اعجابي بها وهي بعنوان :


( لو صحيح بترولنا دفق )


لو صحيح بترولنا دفق
وكان ده جد ماكنت واهم
نبني في كل حي طلمبة
تكون سبيل من غير دراهم
نبني للمسكين عمارة

نسيبوا في الشركات يساهم
وليلى علوي نشوفها كارو
وكل بليد بي يبقالنا فاهم
لو صحيح بترولنا دفق

النعيم يبقالنا دايم
الحمير نسقيها فانتا
والقريد ندي البهايم
والكديس بالباسطة يشبع

وفي العسل وزينا عايم
كلابنا تنبح ديك راحاتا تلخم
ويبقى صوتا رقيق وناعم
لما تنبح تينا شارلس

دي ام لهيجا ديمه طاعم
لا بتهوهو في الشوارع
لابتلقط من مطاعم
يقوم كلينتون يسيب بلادو

يجينا قاطع صوت وقاطم
طاقاهو فلسة بدورلو شغلة
حتى لو بياع طماطم
واحنا نابى نقولوا لا لا

يعود حزين لي خدو لاطم
يجينا يلتسن صاري وشو
بقول انا من روسيا قادم
جاي بلادكم داير عمل

كان غفير او حتى خادم
ومن مطار ام دفسو كشة
تكشوا يرجع لروسيا نادم
لو صحيح بترولنا دفق

مابنرخي أضان للائم
نبني وطن العزة شامخ
ويبقى نفطنا هو الدعائم
ولو شموس الصيف غشتنا
نحول البترول غمائم

بيهو نظلل كل ديارنا
الفيها شرع المولى قائم
ومجلس الأمن يبقى هولنا
وفيهو صوتنا جهوري حايم

وتبقى للسودان مكانة
ثابت العضوية دايم
ونحكم الكون بي مزاجنا
نقول دا بنفع وداك ملائم

والبفكر يمس أرضنا
نسيبوا جد في دماهو عايم
لو صحيح بترولنا دفق
البخيل بنقلبوا حاتم

يبقى ينضم بي فضلنا
المن زمان لفضلنا كاتم
والأوبك تصبح بإيدينا
واليهود في صباعنا خاتم.

alzwada

حـظـي التـعـيـس الهـردبـيـس

النـاس يــرك فوقـهـا الحـمـام
وانـا فوقـي قـد بـرك الكـديـس

*******************
يـوم انقـشـرت وقـلـت اكـسـح
بـيـت عــرس يــوم الخمـيـس
طوالـي فــو تتفـرتـق الحفـلـة
وتــمـــوت ام الـعــريــس

*******************
حـظــي التـعـيـس لـلـتـرزي
امـشــي عـشــان اقــيــس
كــل القمـاشـات قـاعــدةface
الا قماشي يدخل عليهو وياكلـو تيـس

*******************
حـــظـــي الــكــعـــب
مـن زمـن شافـع صغيـر بلـعـب
اشـيـل النبـلـة اقـلـبـا لـــب
وتــــســـــمـــــع رب
ومـن الجـو يـقـع لــي ضــب

******************
حـظـي الـدلـم مــا عـنـدو دم
فـي الكبـدة يطلـع لــي عـضـم

********************
حظي الحشر النحس جـواي منتشـر
فـي البسكـويـت الـقـي القـشـر
كرعي جوه البنطلـون مـا بتنحشـر
سنارتي في البحر الكبير تقبض جقـر

********************
حظـي الكـعـب حـظـي اللعـيـن
سايقـنـي واصــل بــي ويــن
الـنـاس نـضــاف ومـروقـيـن
وانا بي هناك مليان سكن وعجاج وطين

*********************
الناس تكيس ماجدة رنـده وماجدوليـن
وانا بي هناك قايدني ناس بت الحسيـن

*********************
حـظـي التـعـيـس والـدبـرسـة
اي واحــــــدة اكــيــســا
يـجــي ود لـزيـنـة يـعـرسـا

اقتباس :

انا راسى جاط ما بين هواك والدبرسه
الفت عشرين الف بيت سبعين قصيده مؤسسه
شان مره الفت انتباهه ومره اقدر احسسه

يا حلوه يا بت هندسه

يا حله يا زينت البنات يا نجمه اليل و المسه
انا رقم اشكال الشتات حاضن عواطفيك وحارسه
انا فى هواكى بقيت فتات ودخلت عشرين مدرسه
جنيت مع كليمات هواك بى قلبى قاعد اتنفسه

يا حلوه يا بت هندسه
كان شفتى يا بت هندسه........

خطواتى دايمنب بالغلط وامورى ديما معكسه
يوم داك مساهر فى الهدوم وكويتا جت شاهن البسه
لقيته الصباح حقات اخوى وهدومى قاعده مكرفسه
كان للهدوم ما مشكله بشوف لى مصيبتا البسه
لكن هواك اعملو ايه دش دش عضامى وهرسه
داير لى فرصه اكون قريب طبله قليبيك افلسه
عشان تشوفى هواكى كيف بهدل عواطفى ودعفسه
كليماتى ليك اتبشتنت ما زى زمان متهندسه
حتى الشعر الكان زمان كلماتوا حلوه مملسه
هسى اتلخم بقى كيف كده مافيهو كلمه مهندسه
انتى السبب فى كل دا يا احلى اسباب الاسه

يا حلوه يا بت هندسه

انا ياخ بريدك اعمل ايه ورينى يا بت هندسه
امشى واكورك فى الظلط يا ناس بريد بت هندسه
كم مره قلت اقوم براى واقد معاها واحدسه
لكنى ما بقدر عديل مابقدر انضم اونسه
خليك من اشرح ليها حالى وحبى ليك والدبرسه
يا هنايه دا اقوليك كلام اصلو السكوت فيو وسوسه
انا يا ملاك انا بعشقيك وما اظن بلاك ارجا المسه
دايريك تكونى لى حبيبه وابقى ليكى حبيب قسه
اكسيك هواىوتلبسينى نعيم هواك اجمل كسه
ويا ربى كل عاشق نبيل تديهو زى بت هندسه
وترعاها من عين الحسود ومن توب جمالك لبسه
ويا ربى تحفظا لى براى ويا ربى تحفظا تحرسه

تمااااااااااااااااااااااااااااااام دكتور بجد حلوين كلهم شكرا لك وعلي مجهودك الراقي

دمت بخير وهنا

حلمنتيش _ حاجه عجيبه



شعر حلمنتيش تمووت من الضحك




طبيبة اسنان

شعر سودانى



قصيدة البرلوم و هناي
[youtube

شعر حلمنتيش الاستاذ محمد الجاك الصراف-الاستيكة