ا اعذب الأشعار

روعة الشعر السوداني‏
من هو كاتب هذه الكلمات؟؟؟
==============
تاني كاتب لي خبارك
انت قايل انه لسه
قلبي تايه في مدارك
دى الديار خليتها ذاتها
لما ضاقت بى ديارك
والبعاد الشايفو قاسى
ما زمان كان باختيارك
انت فاكر بنسى جرحك
جيت تنمق فى اعتذارك
لما رحت تجور عليا
ورحت ابعد من مسارك
تاني كاتب لى خبارك
*****
الجواب الجاى منك
عندى صار ما ليهو قيمة
والهوى الكان بينى بينك
عدى بالشوق والهزيمة
وهسه لما طريت هوايا
وقصة الذكرى الأليمة
جاى تانى عشان تعاود
للحكايات القديمة
*****
ويبقي ردى على جوابك
يا جميل الرجعة لا .. لا
*****
كونى ارجع ليك تانى
ألف مليون استحالة
ما الفراق انت البديته
يوم حرمت الروح وصالا
وانت عارف البادئ أظلم
وايه لزوم يعنى الرسالة
*****
والكلام الفى جوابك
كان بيعدى علي زمان
قبل ما تغدر عيونك
وقبلما يخوني الزمان
انت قايل قلبي بنسى
فترة الذل والهوان
لا..لا..لا..لا
دى الكرامة العندي أغلى
من عيونك والحنان
*****
انت قايل اني ممكن
ليك أرجع تاني مرة
لا..لا..لا..لا
دا الجرح مما استمر
لو حصل طيفك غشاني
ومرة في ذاكرتي مرة
ببدا ينزف تانى مرة
وتانى مرة وتانى مرة
يا حليل أيام عيونك
كان بتلهمني المسرة
*****
أصلو كان خادعني لونك
والبريق الي عيونك
والكلام القلتو ليا
كان بيخدع فيني زيفو
والجرح في قلبي نوسر
*****
وديمة زايد في نزيفو
..... وكنت برضو ....
ممكن أهديك نور عيوني
شان عيونك من برضو
وأصلى حاسس طول سنيني
انو أشواقي وحنيني
نقطة الضعف الى فيني
*****
الا هسه
انت أنسى
وحقو تنسى
انو كان بيناتنا قصة
واصلو ما تعشم عيونك
انى بهواك انت لسه
*****
انت لو فاكرني بحزن
شان فراقك او جفاك
تبقى موهوم في عواطفك
اصلو قلبي زمان نساك
وابتديت انساه ليلك
والسنين الراحو ديلك
وانسى جور كل الاماسى
الفيها كم قاسيتو ويلك
وانت لو فاكرني بحزن
شان فراقك يا حليلك
يا حليلك .. يا حليلك
.
.الشاعر احمد خالد

‏روعة الشعر السوداني‏
===========
اسمع كلام امك تعال
===========
اسـمـع كــلام امــــك تــــــعــــــال الغربه ماها كنز قروش
والــغـــــــــــــــــــربـه مــــــــاهــــــــــــــــــــا بيوت ومال
الــغـــربــه كـــم ذلــت نـفـوس والـغـربـه كـم هانت رجال
بـوصــيــــك يــــا ولـــدي الـحـنـيـــن اسمع كلام امك تعال

سـمـح الـشـغـل فـي ارض ابــوك ارجـع تـعــــال ما تودرا
ارويــهــا مـن عـرقــــك زلال ارمـيـهــا بـي تـيـراب خدرا
شـــوف الــســنــابـل كـيــــف تـمـيـــل تـشـبـع بلدنا نصدرا
والـغــــربـه تــــب مــا فـيـهــا غير عيشة العذاب والدردرا

مــالـك عـلـي شـغـل الإيـجـار واطاتـنـا بور صبحت وراك
لـيـه تـبـقـي خــدام لـلـغـريــب مـا انـتـي سـيــد نفسك براك
انا عيني في نص الليل ترف وقلبي الحنين نوموا اللي راح
مــن شــوفـتـك غـلـبـني الـمـنام واصـبـح مـناي عيني تراك

ارجـع تـعــال لـي يــا الـحـنـيــن مــالـك عـلـي عيشة الشقي
شـوف كـيــف تـمرنا سبيطوا مال والنيل سقي الوديان سقي
مـا بــتــلـقـي غـيـر رزقـك هنـاك يـا ريت نصيحتي تصدقه
ارجـع تـعــال والـزاد المكتوب لـيـك في ارض ابوك بتلحقه

ارجــع تـــعــــال خــلـي الــــشــــقــي وعــيـشــة الـكــرم في
ارضــك الــمــقــســوم بـيجــيـك في الغربه او هنا لـيـك رب
ســودانــا اصـلــوا مـن الــقـريـر لـيـهو الكريم بالنـيــل وهب
ســودانــا والله الـعـظـيـــم واطــــاتـــوا اغـــلـي مــــن الدهب
.
.
الشاعر احمد خالد

روعة الشعر السوداني‏

أمي الله يسلمك
للشاعر
التجاني حاج موسى.
==========
اداء
كمال ترباس

أمي .. الله يسلمك

ويديكي لي طول العمر..

وفي الدنيا يوم ما يألمك ..

أمي .. الله يسلمك ..

* * *

أمي يا دار السلام

يا حصني لو جار الزمان ،

ختيتي فى قلبي اليقين

يا مطمناني .. بطمنك

أمي .. الله يسلمك

***

خيرك علي بالحيل كتير ،

يا مرضعاني الطيبة بالصبر الجميل ،

يا سعد أيامى وهناي

لو درتي قلبي ، أسلمك.

أمي .. الله يسلمك

***

أنا مهما أفصح عن مشاعري

برضو بيخوني الكلام

وقولة ( بحبك )

ما بتكفي وكل كلمات الغرام

يا منتهى الريد ومبتداه ..

يا الليا .. الله يسلمك ..

ويديكي لي طول العمر

وفي الدنيا يوم ما يألمك ..

أمي .. الله يسلمك ..