موقع د. كمال سيد الدراوي طبي_ اكاديمي _ ثقافي _ تعليمي _ _ استشارات طبية_فيديو طبي |
| | INTRODUCTION TO PATHOLOGY | |
| | كاتب الموضوع | رسالة |
---|
د.كمال سيد Admin
عدد المساهمات : 2464 نقاط : 4252 السٌّمعَة : 9 الجنس : علم بلدك : تاريخ الميلاد : 03/04/1950 تاريخ التسجيل : 30/07/2012 العمر : 74 الموقع : السودان - سنار العمل/الترفيه : طبيب عمومى وموجات صوتية الساعة الان : دعائي :
| موضوع: INTRODUCTION TO PATHOLOGY الأحد أكتوبر 28, 2012 8:38 pm | |
| Pathology is the precise study and diagnosis of disease. The word pathology is from Ancient Greek πάθος, pathos, "feeling, suffering"; and -λογία, -logia, "the study of". Pathologization, to pathologize, refers to the process of defining a condition or behavior as pathological, e.g. pathological gambling. Pathologies is synonymous with diseases. The suffix "path" is used to indicate a disease, e.g. psychopath.
: Pathology addresses 4 components of disease: cause/etiology, mechanisms of development (pathogenesis), structural alterations of cells (morphologic changes), and the consequences of changes (clinical manifestations). Pathology is further separated into divisions, based on either the system being studied (e.g. veterinary pathology and animal disease) or the focus of the examination (e.g. forensic pathology and determining the cause of death).
General pathology is a broad and complex scientific field which seeks to understand the mechanisms of injury to cells and tissues, as well as the body's means of responding to and repairing injury.
Areas of study include cellular adaptation to injury, necrosis, inflammation, wound healing, and neoplasia. It forms the foundation of pathology, the application of this knowledge to diagnose diseases in humans and animals.
Anatomical pathology (Commonwealth) or anatomic pathology (United States) is a medical specialty that is concerned with the diagnosis of disease based on the gross, microscopic, chemical, immunologic and molecular examination of organs, tissues, and whole bodies (autopsy). NB. An autopsy—also known as a postmortem examination, necropsy (particularly as to non-human bodies), autopsia cadaverum, or obduction—is a highly specialized surgical procedure that consists of a thorough examination of a corpse to determine the cause and manner of death and to evaluate any disease or injury that may be present. It is usually performed by a specialized medical doctor called a pathologist.
Anatomical pathology is one of two branches of pathology, the other being clinical pathology, the diagnosis of disease through the laboratory analysis of bodily fluids and tissues.
Anatomical pathology is itself divided in subspecialties, the main ones being surgical pathology, cytopathology, and forensic pathology. To be licensed to practice pathology, one has to complete medical school and secure a license to practice medicine. An approved residency program and certification (in the United States, the American Board of Pathology or the American Osteopathic Board of Pathology) is usually required to obtain employment or hospital privileges. Anatomical pathology is one of two branches of pathology, the other being clinical pathology, the diagnosis of disease through the laboratory analysis of bodily fluids and tissues. Often, pathologists practice both anatomical and clinical pathology, a combination known as general pathology. The distinction between anatomic and clinical pathology is increasingly blurred by the introduction of technologies that require new expertise and the need to provide patients and referring physicians with integrated diagnostic reports. Similar specialties exist in veterinary pathology. The term general pathology is also used to describe the practice of both anatomical and clinical pathology.
يتبع
| |
| | | abeer عضو موسس
عدد المساهمات : 453 نقاط : 813 السٌّمعَة : 2 الجنس : علم بلدك : تاريخ الميلاد : 11/12/1980 تاريخ التسجيل : 02/08/2012 العمر : 43 الموقع : اى مكان يكون حد محتاجني فيه العمل/الترفيه : راجية رضا الله قبل اى شئ المزاج : الحمد لله علي كل حال الساعة الان : دعائي :
| موضوع: رد: INTRODUCTION TO PATHOLOGY الجمعة نوفمبر 02, 2012 10:31 am | |
| جزاك الله خيرا
بانتظار اليقية
متابعة باذن الله تعالي لو عرفـت قدر نفسـك ما أهنتها بالمعاصي ، إنماطرد الله ابليـس من رحمتـه لأنه لم يسجـــد لك | |
| | | د.كمال سيد Admin
عدد المساهمات : 2464 نقاط : 4252 السٌّمعَة : 9 الجنس : علم بلدك : تاريخ الميلاد : 03/04/1950 تاريخ التسجيل : 30/07/2012 العمر : 74 الموقع : السودان - سنار العمل/الترفيه : طبيب عمومى وموجات صوتية الساعة الان : دعائي :
| موضوع: رد: INTRODUCTION TO PATHOLOGY الثلاثاء نوفمبر 06, 2012 4:34 am | |
| pathology introductory general
اقدم لكم شرحا مبسطا لماده الباثولوجى للفرقه الثالثه منقولا من احدى المنتديات الطبيه ومشاركة منى فى تبسيط الماده العلميه لتقديمها بسهولة ويسر واتمنى ان تستفيدوا بها ان شاء الله تعالى.
** INFLAMMATION **
يعنى التهاب وده شابتر فيه أجزاء حلووة جدااا ، وأجزاء تقيلة شوية ، وأجزاء محتاجة فهم ، وأجزاء محتاجة حفظ " بدقة "
يعنى ايه التهاب ؟؟
ده local reaction استجابة لشىء معين ، فى جزء معين من الجسم
وبيحصل فين ؟؟
بيحصل فى الأنسجة الحية اللى بيوصلها دم عن طريق الأوعية الدموية Vascularized living tissue
وبيحصل ليه ؟؟
عشان فى مادة متلفة للخلايا injurious agent
وهل المادة دى بتموت الخلايا خالص ؟؟ لا ، هى مش قوية أوى لدرجة انها تموت الخلايا فجأة وبسرعة
طيب عايزين نشوف التعريف كامل ...
Inflammation is a local reaction of vascularized living tissue to an injurious agent , provided that the injury is not so strong to cause immediate death of the tissue
وأى التهاب فى أى جزء من الجسم ، بنعرفه من الأحرف " itis " فى آخر الكلمة يعنى مثلا واحد عنده التهاب فى الزايدة ، بنقول ده عنده appendicitis ومعظم الالتهاب بيبقى آخره الأحرف دى ، فيما عدا بعض الحاجات الشاذة ، طيب ايه الحاجات اللى بتسبب التهاب ؟؟
ممكن مواد كيميائية زى السموم ، وممكن عوامل فيزيائية زى الإشعاع والكدمات وممكن كائنات حية ، زى الفيروسات والبكتريا والطفيليات والفطريات
طيب هو الالتهاب ده حاجة كويسة ولا وحشة ؟؟ يعنى احنا بنستفيد منه ؟؟
أيوة طبعا بنستفيد كتيييير :
يعنى الالتهاب ده هو استجابة الجسم " الطبيعية " للحاجات اللى بتسببله ضرر ،،والالتهاب هو خط الدفاع الأول ضد أى injurious agent وهو اللى بيحد من عملية انتشار الـ agent وفى نفس الوقت بيجهز الجسم عشان يصلح الخلايا اللى تاثرت بالبكتريا والفيروسات ... الخ يعنى بيهىء الجسم لعملية الـ healing & repair
بس مع ده كله ، الالتهاب بينتج عنه عدة علامات ، فبتخلينا نتاذى منه :
يعنى فى مكان الالتهاب ،، بيحصل احمرار ، تورم ، سخونية ، ألم ، وأحيانا فقدان للوظيفة الطبيعية للعضو ده .. وممكن كمان يحصل حمى ، فقدان للشهية ، إحساس بالفتور ... وهكذا فعشان كده ، الالتهاب فى حد ذاته كويس لكن اللى بينتج عنه هو اللى مش كويس ،،،
طيب هو الالتهاب ده ليه أنواع ؟؟ ولا كله شبه بعضه ؟؟
لأ طبعا ، عندنا نوعين مهمين جدااااااا : ودول اللى هنفضل ندرس فيهم طول الشابتر
النوع الأول : Acute inflammation
واحد قام من النوم لقى زوره بيوجعه أوى ، وعنده رشح ، وشوية سخونية بالمرة ^__^ يبقى ده جاله التهاب فجأة sudden onset
بعد يومين خف خالص ، ورجع كويس جدااا
يبقى الالتهاب ده ليه
short duration , lasts from few minutes up to few days
وأكتر حاجة بتميز النوع ده ، إن بيحصل زى ترشيح لسوائل الجسم ، حاجة شبه الـ edema
النوع التانى : Chronic inflammation
وده العكس تمااااما ،،
يعنى الالتهاب بيحصل بالتدريج gradual onset وبيستمر فترة طويلة long duration ممكن توصل لـ several years
وأكتر حاجة بتميزه ، وجود الـ
lymphocytes , plasma cells & macrophages
وفى نفس الوقت بيحصل هلاك للأنسجة ، فبالتالى بيحصل repair سريع فى النوع ده
وبيقولولنا فى الآخر ملحوظة
إن فى نوع تالت معروف بس بين الدكاترة ، وبيبقى وسط بين الحالتين
يعنى لا هو acute ولا chronic
واسمه subacute inflammation
طيب بعد ما فهمنا المقدمة ،،
عايزين نعرف هندرس ايه ؟؟
العنوان الكبير الأولانى
ACUTE INFLAMMATION
عرفنا إن فى علامات مميزة للالتهاب ودى كانت ممثلة فى صورة إغريقية قديمة ، موجودة على كتابنا
الصورة دى معناها ايه ؟؟ :
أول حاجة السخونة hotness
واسمها باللاتينى CALOR
وده بيحصل عشان تدفق الدم بيزيد أوى ، وبيحصل arteriolar dilatation
تانى حاجة الاحمرار redness
واسمه RUBOR
وده بيحصل عشان كل الشعيرات الدموية المقفولة بتتفتح ، وكمان بيحصل vascular dilatation
ثالث حاجة التورم swelling
واسمه TUMOR
وبيحصل عشان الـ vascular dilatation ، وكمان بيحصل تراكم للرشح الالتهابى inflammatory exudates
رابع حاجة الألم pain
واسمه DOLOR
وده عشان المواد المعينة اللى بتتفرز زى الهيستامين
خامسا وأخيرا فقدان الوظيفة loss of function
واسمه FUNCTIOLASEA
واحنا بنعرف الكلام ده ليه ؟؟؟
عشان احنا يهمنا نعرف ازاى العلامات دى أصلا حصلت ،،
ازاى حصل vascular changes
وايه هى المراحل بتاعة التغير ده ،،،
وايه هى السوايل اللى بتترشح
وايه الفرق بين الـ exudate والـ transudate
ودى مقارنة مهمة جدااااااااااا
وبتيجى فى الامتحان داااايما
ويهمنا برده إننا نعرف الـ cellular changes اللى بتحصل
ازاى يعنى ؟؟؟
أصل فى وظيفة أساسية لازم تحصل ، وهى إن الـ leukocytes توصل لمكان الالتهاب وسنعرف بقى ازاى بتمشى رحلة الـ leukocytes من جوه الوعاء الدموى لــــحــــــــــد ما توصل للنسيج الملتهب
بعد كده بيقولولنا إن فى مواد كيميائية مهمة جداااا هى المسئولة عن كل التغيرات اللى بتحصل دى سواء الـ vascular ولا الـ cellular
المواد دى بنسميها
CHEMICAL MEDIATOS OF INFLAMMATION
وده عنوان مهم أوى بنعرف إن المواد دى أول ما تبقى نشيطة بتتفرز على طول ، وأول ما بتؤدى وظيفتها ، يا إما بتموت على طول ، يا إما بيجيلها إنزيم بيخليها مش متنشطة ،،،
بنعرف برده إن المواد دى نوعين ،،
إما مواد بتطلع من خلايا معينة ،،
Cell-derived mediators
زى الهيستامين ، السيروتونين .... الخ
بنعرف كل مادة ايه الخلايا اللى بتفرزها ، ايه وظيفتها والتأثير بتاعها
والنوع التانى مواد أو factors من البلازما
Plasma derived mediators
وبرده بنعرف وظيفتها ، وبتعمل ايه فى حالة حدوث التهاب
وعندنا جدول بيمثل كل وظيفة وايه المواد اللى بتعملها
يعنى مثلا الـ vasodilatation
بيحصل عن طريق الـ
histamine , nitric oxide
prostaglandins وهكذا ...
عندنا عنوان مهم تانى بيتكلم عن أنواع الالتهاب الحاد
TYPES OF ACUTE INFLAMMATION
وايه هى الأنواع دى ؟؟ هم نوعين مفيش غيرهم فى كتابنا يا إما التهاب صديدى suppurative inflammation يا إما التهاب غير صديدى non suppurative inflammation بنعرف ايه هى أنواع الالتهاب اللى مفيهوش صديد , و يبقى شكلها ايه ، أدام عينينا وتحت الميكروسكوب ،، وفى النهاية بيحصل ايه ،، هل بيرجع تانى النسيج سليم ؟؟ ولا بيتحول لنوع آخر من الالتهاب ؟؟
بنعرف ايه هو الصديد ،،
ايه أنواع الالتهاب الصديدى سواء local or diffuse
بندرس الخراج ،، بيتكون من ايه ؟؟ وايه الـ fate بتاعه
وآخر عنوان عندنا فى الجزء ده :
كلام للفهم ، والحفظ أيضا ،، وإن كان مش مهم أوى يعنى عنوان بيتكلم عن الـ
SYSTEMIC MANIFISTATIONS OF ACUTE INFLAMMATION
يعنى الحمى مثلا ،، ليه بتحصل ،، و ليه بيزيد عدد الـ leukocytes وليه بيحصل تغير فى نسبة بروتينات البلازما ... وهكذا
وكده نبقى خلصنا أكبر جزء وأهم جزء فى الشابتر ده ،،،
عندنا بعد كده تانى عنوان كبيييير :
يتبع
| |
| | | د.كمال سيد Admin
عدد المساهمات : 2464 نقاط : 4252 السٌّمعَة : 9 الجنس : علم بلدك : تاريخ الميلاد : 03/04/1950 تاريخ التسجيل : 30/07/2012 العمر : 74 الموقع : السودان - سنار العمل/الترفيه : طبيب عمومى وموجات صوتية الساعة الان : دعائي :
| موضوع: رد: INTRODUCTION TO PATHOLOGY الثلاثاء نوفمبر 06, 2012 4:56 am | |
| CHRONIC INFLAMMATION
هيقولولنا التعريف ، وازاى بيحصل ، والخلايا المهمة اللى بتكون موجودة فيه ،،
وأهم حاجة فى الصفحتين دول المقارنة اللى بين نوعىّ الالتهاب
الـ acute والـ chronic ودى لاااااازم تتذاكر كويس ، لأن فيها تلخيص شديد لكل الكلام اللى بعد كده ...
وآخر كلمة فى الجزء ده إن الالتهاب المزمن ،، بينتهى بحاجة اسمها Healing
وده اللى هينقلنا على آخر عنوان كبييييير
واللى احنا بنعتبر إنه شابتر صغير منفصل ، وأقل أهمية بكتييير من الجزء السابق
HEALING & REPAIR
يعنى ايه ؟؟
يعنى الخلايا اللى باظت دى ، وشكلها مبقاش حلو ،، لازم ترجع زى ما كانت ،، يا إما هنصلحها ونعمل خلايا جديدة شبها بالظبط وده اللى بنسميه Regeneration
يا إما هنستبدلها بـ ( connective tissue ( C.T وده اللى بنسميه Fibrosis والاسم التانى ليها Scar formation
طيب امتى بيحصل كل نوع ؟؟ وايها الأحسن ؟؟
الأحسن طبعاااا إننا نعمل خلايا جديدة بس المشكلة إن ده مش مسموح بيه على طول
ليه يعنى ؟؟
أصل لازم عشان نعمل خلايا جديدة ، يبقى فى حاجة اسمها regeneration capacity
يعنى لازم تكون فى parenchymal cell عايشة وكويسة ، حوالين الخلايا البايظة دى ،، ولازم كمان يكون عندها القدرة على الانقسام ،، ويكون عددها مناسب بصورة كافية ،، ولازم كمان يكون فى C.T framework
هنعرف إن فى خلايا مستعدة على طووووول إنها تجدد الخلايا الميتة اسمها labile cells زى مثلا الـ epi. Stem cell
وفى خلايا تانية ،، مش بتتجدد إلا فييين وفيييين زى مثلا خلايا الكيد والبنكرياس ودى بقى هى ومزاجها :
يا إما تعمل regeneration يا إما fibrosis حسب نفسيتها بقى ^__^ ودى سميناها stable cells
( مش حسب نفسيتها طبعا ، حسب توافر العوامل اللى هتخليها تعمل تجديد للخلايا )
وآخر نوع خلايا بقى لو عملنا ايه حتى لا يمكن تنقسم ، ولا تغير الميتين بتوعها واسمها permanent cells زى عضلات القلب ، والخلايا العصبية ،،
وهنعرف بعد كده ازاى بيحصل repair عن طريق الـ fibrosis
وهنعرف ازاى ممكن يحصل Healing لحالات الجروح فى الجلد skin wounds وايضا حالات الكسور fractures
يتبع
| |
| | | د.كمال سيد Admin
عدد المساهمات : 2464 نقاط : 4252 السٌّمعَة : 9 الجنس : علم بلدك : تاريخ الميلاد : 03/04/1950 تاريخ التسجيل : 30/07/2012 العمر : 74 الموقع : السودان - سنار العمل/الترفيه : طبيب عمومى وموجات صوتية الساعة الان : دعائي :
| موضوع: رد: INTRODUCTION TO PATHOLOGY الثلاثاء نوفمبر 06, 2012 4:59 am | |
| ** Cell injury ** شابتر لطيف جدا ولذيذ أوى
بيقولنا إن أى خلية فى الجسم لما تتحط تحت ضغط معين stress سواء كان ضغط فسيولوجى ( طبيعى ) ، أو لو كان بعض المؤثرات بتاعة أمراض معينة ( باثولوجى ) بتستجيب بطريقة ما لو كان الضغط ده محتمل ومش قوى أوى ، يبقى الخلية هتقدر تتكيف معاه ويحصلها adaptation : مثال ؟؟
لو مثلا واحد بيلعب رياضة كتير ، عضلات جسمه مش بتستحمل كل الضغط ده فبيحصل لها hypertrophy يعنى بتزيد فى الحجم ، عشان تقدر تتأقلم مع الوضع الجديد
طيب لو كان نوع معين من الضغط - زى بكتريا مثلا - و شدته أقوى شوية - حيحصل ايه للخلية ؟؟ سيحصل لها التهاب inflammation
طب لو كان قوى أوى أوى والحلية خلاص مش قادرة تستحمله ولا تتكيف معاه ؟؟
فى الحالة دى الخلية هتبوظ ويحصلها damage وده اللى احنا بنسميه Cell injury وبندرسه فى شابتر كامل وزى ما اتفقنا ، هنمشى بنظام ثابت ،، وعندنا 3 عناوين كبيرة فى كتابنا : أول عنوان كبير هناخده
(Cell injury )
فى الأول هنشوف التعريف
بعدين بنعرف ايه الحاجات اللى ممكن تعمل cell injury
بعبارة أخرى ايه أنواع الـ stress القوى أوى ده ، اللى بيبوظ الخلية ويدمرها
زى ايه مثلا ؟؟
زى أنواع معينة من البكتريا والفيروسات
زى بعض المواد القوية أوى كالكحول
وهكذا والكلام ده كله للفهم فقط
وبعد كده هنعرف الميكانيزم ازاى بيحصل injury للخلية
والعنوان الكبير التانى بيتكلم عن حاجة اسمها
( Acute cell injury )
يعنى حاجة حادة بوظت الخلية
وعندنا فى الحالة دى نوعين
ايه هم ؟؟؟
1 - نوع بيبقى الضغط فيه مش مميت non-lethal
ولو شيلنا الضغط ده ، الخلية هترجع زى ما كانت طبيعية جدااااا reversible
وهناخد أمثلة فى أعضاء مختلفة من الجسم و حنتكلم عنها بالتفصيل تبعا لنظامنا
طيب عايزين مثال دلوقتى ..
لو مثلا موصلش أكسجين مناسب للكلية hypoxia هنلاقى الكلية كبرت أوى فى الحجم ، وبقى لونها شاحب ، وكل خلية تحت الميكرسكوب هيبقى شكلها زى ما تكون وارمة ،،
2 - النوع تانى بيبقى مميت للخلية lethal
وخلاص الخلية مش بترجع زى الأول خااااالص irreversible
وعندنا شكلين بيحصلوا :
الأول : إن الخلية تتكسر وتتحول لأجسام صغيرة Apoptosis
لو مثلا خلية عجزت وكبرت فى السن ، بتموت و بتتكسر كده ، وتاكلها الـ phagocytic cells
وبرده لو خلية حصلها damage بتتكسر بنفس الطريقة
التانى : إن الخلية يحصلها حاجة زى التحلل ، وغشاء الخلية يدوب Necrosis ناخد برده العناوين بتاعتنا تحت كل نوع وعندنا مقارنة مهمة جداااااا وبتيجى دااايما فى امتحان النظرى
وبعد كده هنتكلم على الغرغرينة Gangrenee
يعنى ايه غرغرينة ؟؟
دى نوع من تحلل الخلايا necrosis لكن مصحوبة بتعفن putrifaction
وهنعرف أنواعها وعناوينا الأساسية معانا مش بتسيبنا
[color=black](Intracellular accumulation )
بيكلمونا عن الحاجات اللى ممكن تترسب جوا الخلية ، ويتسبب منها injury
ايه أول حاجة بتتراكم فى الخلايا ؟؟
أول حاجة هى الحبيبات الملونة pigments
عندنا حاجات طبيعية زى الميلانين مثلا ،،
بس الميلانين ده ممكن يقل أوى زى مثلا واحد عنده برص vitiligo
وممكن يكون زايد أوى زى الناس اللى عندهم Addison's disease
وعندنا برده حاجة زى الـ bilirubin لو زاد أوى بيسبب الصفرا jaundice
طيب كل الحاجات دى موجودة فى جسمنا ...
مفيش حبيبات ملونة ممكن تجيلنا من بره ؟؟
لأ فى طبعا ..
ممكن الكربون ده لو حد بيستنشق كتيييير ، يتراكم جوه الغدد اليمفاوية فى الرئة ويخلى لونها أسود
ممكن الرصاص برده يترسب ما بين اللثة والأسنان gingival margin ويبقى لونه أزرق
طيب ايه تانى حاجة ممكن تترسب فى جسمنا ؟؟
ممكن الدهون تتراكم بالذات فى البطين الأيمن
وايه تانى ؟؟ ممكن الـ urate crystals تتراكم حوالين المفاصل ، وفى الكلية ، وتسبب النقرس gout ويهمنا بس التعريف
ها ، وايه كمان ؟؟
ممكن نلاقى مادة شبه البروتين ، بس المادة دى مش نورمال يعنى phathologic proteinaceous substance
بتتراكم بين الخلايا وتعمل حاجة اسمها Amyloidosis
وده جزء مهم جدااا جداااا وهندرسه بالتفصيل
طيب وآخر حاجة علينا ايه ؟؟ ايه تانى ممكن يتراكم فى الخلايا ؟؟
ممكن جداااا الكالسيوم يتراكم مثلا فى الخلايا والأنسجة الميتة
ليه ؟؟ هو بيبقى نسبته زايدة أوى ؟؟ مش شرط ، هو بيترسب أساسا فى الحالات دى عشان بيحصل local changes
طيب فى أوقات مثلا بيترسب عشان نسبته زايدة ؟؟
أيوة
مثلا فى حالات الـ primary & secondaryhyperthyroidism يتبع
| |
| | | د.كمال سيد Admin
عدد المساهمات : 2464 نقاط : 4252 السٌّمعَة : 9 الجنس : علم بلدك : تاريخ الميلاد : 03/04/1950 تاريخ التسجيل : 30/07/2012 العمر : 74 الموقع : السودان - سنار العمل/الترفيه : طبيب عمومى وموجات صوتية الساعة الان : دعائي :
| موضوع: رد: INTRODUCTION TO PATHOLOGY الثلاثاء نوفمبر 06, 2012 5:06 am | |
| ** DISORDERS OF THE IMMUNE SYSTEM **
وده شابتر صغير أوى ،،
لكن طبعا بتيجى عليه أسئلة ، سواء فى الميد تيرم ، أو آخر التيرم
زى ما احنا عارفين ، لما بيدخلنا أى جسم غريب ، بتحصل تفاعلات بين الخلايا
وده اللى بنسميه الاستجابة المناعية immunologic response
وزى برده ما احنا عارفين فى حاجة اسمها ccell-mediated immunity
مسئول عنها الـ T lymphocytes
وفى حاجة اسمها humoral immunity مسئول عنها الـ B cells
وبرده عارفين إن الـ iimmunologic response ليها صفات مميزة ،،
أول حاجة التخصص specificityy
يعنى كل reaction بيكون محدد وخاص بنوع معين من الـ Ag (antigenn
تانى حاجة الـ Amplificationn
يعنى القدرة على تحسين الإستجابة لو اتكرر تعرض الجسم للـ Ag تانى - عشان كده لما بنتصاب بفيروس مثلا ، تانى مرة بتبقى أحسن من أول مرة ،، لدرجة إن ممكن منحسش بالفيروس أصلا ...
تالت حاجة الـذاكرة Memory
يعنى لو Ag دخل للجسم ، وخلاص حصلت استجابة مناعية له ،، وبعد فترة طويلة دخل تانى ،، خلاص الجسم هيتعرف عليه ، وهيفتكره عشان يحسن الإستجابة بتاعته ،،
طب وكل الحاجات دى ايه فايدتها هنا ؟؟ ملهاش فايدة الان ، دى صفحة تقديمية مش أكتر ...
اللى يهمنا بقى عايزين نعرف ايه الـ Disorders يعنى امتى هيحصل لخبطة فى المناعة بتاعتنا ؟؟
عندنا 4 حالات ،، هندرس هنا 3 والرابعة أخدناها خلاص .. وهى ؟؟؟؟ حالة الـ Amyloidosis
طيب ايه التلاتة دول ؟؟
the other three immunological disorders
1 – ممكن الجسم يستجيب بصورة مبالغ فيها
وده اللى بيعرف باسم الـ Hypersensitivity reaction
وده جزء مهم مهم مهم جدا جدا جدا ( توكيد لفظى ده على فكرة ^__^ )
عندنا فى الحالة دى 4 أنواع
هندرس كل نوع ، وهنعرف الفروق بينهم ،، وليه بتحصل الحاجات دى -- ليه ممكن مثلا نلاقى حد عنده حساسية من البنسلين ( وده سؤال جا فى امتحانا والدكتورة فى المحاضرة قالت هجيب السؤال ده ، وتقريبا أهم حتة فى الكام صفحة دول )
هنعرف فى كل نوع الميكانيزم ،، والتأثير بتاعه وامثلة للأمراض اللى ممكن تحصل ،،
2 – ممكن برده فى حالات نقل الأعضاء : الجسم يعتبر العضو ده كائن غريب ، فيعمل مناعة ضده وده اللى بنسميه T Transplantation Rejection
هنعرف ايه الحالات اللى بيحصل فيها أول ما ننقل العضو يتدمر فى لحظتها ،، وزى ما موجود فى كتابنا on table
وايه الحالات اللى هيتدمر فيها العضو بعد أسبوع مثلا ،،
وايه الحالات اللى ممكن يعيش فيها العضو جوه الجسم على الأقل 6 شهور ، بعدين الجسم يكسره ،،
وهنعرف كل حالة ، ليه بتحصل وايه تصنيفها ،، وفى جدول برده توضيحى فى الكتاب عموما أى جدول يبقى مهم ، وفيه معلومات جديدة ،،
وعندنا برده صفحة مهمة عن عمليات زرع النخاع ،،
3 – حالات المناعة الذاتية ، مناعة الجسم ضد نفسه طبعا عارفين Autoimmune disease
هندرس الميكانيزم بالتفصيييل ، وده جزء حلو عايز حد كده رايق ، يقعد يفهمه لنفسه
وكده الشابتر الصغير أووووى خلص ،،ومن باب العلم بالشىء ده أصغر شابتر عندنا ،،
| |
| | | د.كمال سيد Admin
عدد المساهمات : 2464 نقاط : 4252 السٌّمعَة : 9 الجنس : علم بلدك : تاريخ الميلاد : 03/04/1950 تاريخ التسجيل : 30/07/2012 العمر : 74 الموقع : السودان - سنار العمل/الترفيه : طبيب عمومى وموجات صوتية الساعة الان : دعائي :
| موضوع: رد: INTRODUCTION TO PATHOLOGY الثلاثاء نوفمبر 06, 2012 5:14 am | |
|
CELLULAR ADAPTATIONS OF GROWTH AND DIFFERENTIATION
أهم شابتر فى كتاب الجينرال كله ،،
أخدنا إن الخلية لما بتتعرض لضغط قوى أووى ، بتبوظ ويحصلها injury واخدنا كمان لما تتعرض لنوع معين ، قوى بس مش أوى بيحصلها التهاب ودرسنا الكلام ده
لازم ناخد برده الحالة الأولى خااالص لو حد اتعرض لـ stress مش قوى ،، حيحصل ايه ؟؟ هيعمل ايه يعنى ، ولا حاجة هيتعود على الوضع الجديد ، ويتأقلم عليه
ويحصله adaptation
آه ، طيب معنى كده إن التكيف ده حاجة كويسة على طوووول ؟؟ ولا ممكن ساعات يكون تأقلم بصورة غلط ؟؟
أكيد فى أحيان بيكون فيها التأقلم ده نتيجته مش كويسة لينا ،، وده اللى يهمنا فى الباثولوجى
طيب هو التكيف ده ليه أنواع ؟؟ يعنى ايه هى صور الـ adaptation ؟؟
(1) – زيادة الحجم عشان الخلايا عددها زاد
Hyperplasia
ازاى يعنى ؟؟
عندنا واحد عمل عملية استئصال جزئى للكبد Partial hepatectomy
فعشان الخلايا تتأقلم مع الوضع ده والانسان ميتأثرش بجزء الكبد المفقود : خلايا الكبد هتفضل تنقسم انقسام ميتوزى وتكثر فى العدد عسان تقدر تتصدى لحاجة الإنسان ودى حاجة فسيولوجية وطبيعية مفيش مشاكل منها ،، يعنى معنى كده إن ممكن تكون فى حاجات مش طبيعية ؟؟ Pathological يعنى ؟؟ ايوة ممكن لو واحدة مثلا زادت عندها نسبة هرمون الإستروجين
Hyperestrinism هيحصلها endometrial hyperplasia
ودى حاجة مش كويسة ، -- بس لو الهرمونات رجعت لنسبتها الطبيعية المريضة هترجع لحالتها السابقة يعنى معنى كده ، إن التكيف ده بيروح ، لما الضغط بيتشال
(2) – زيادة الحجم عشان الخلية كبرت فى الحجم يعنى عدد الخلايا ثابت متغيرش ، لكن كل خلية حجمها زاد ، وبالتالى الحجم الكلى زاد Hypertrophy
طيب النوع ده بيحصل ليه ؟؟
بيحصل عشان فى أنسجة معينة مش بتقدر تعمل انقسام ميتوزى ومش بتقدر تكتر عددها زى الـ skeletal ms. & cardiac ms.
وده برده ممكن يحصل فى وضع فسيولوجى طبيعى زى عضلات الرياضيين مثلا
وممكن يحصل كحاجة باثولوجية زى مثلا واحد عنده ارتفاع مزمن فى ضغط الدم
Chronically hypertensive patient
فعضلات قلبه هيحصلها hypertrophy
(3) – ضمور العضو بعد ما يكون وصل لحجمه الطبيعى Atrophy
والتعريف ده مهم جداااا
Reduction of the size of an organ after reaching its normal size
والضمور ده بيحصل عشان الخلايا عددها بيقل وفى نفس الوقت كل خلية حجمها بيصغر
واحدة وصلت لسن اليأس menopause فهيحصل ضمور للـ ovary وده الشىء اللى تبع الفسيولوجى
لكن الشىء اللى تبع الباثولوجى : لو حد مثلا عايش فى مجاعة starvation هيحصله generalized atrophy
والجدير بالذكر إن الخلايا بتكون عايشة وكل حاجة لكن طبعا وظيفتها بتكون أقل كتير من الأول
(4) – Metaplasia
ساعات بتكون الخلية حساسة أوى ،،ولم تتعرض لضغط معين مبتقدرش تستحمله ،، هيحصل نوع من التكيف ،، وهو إن الخلية الحساسة دى ، تتحول لخلية تانية بس من نفس النوع والخلية الجديدة دى عندها قدرة أكبر على التحمل
زى ايه مثلا ؟؟
لو واحد بيدخن سجاير كتيييير Habitual cigarette smoking
خلايا الـ epithelium. بتاعة الـ resp. tract اللى هى pseudostratified ciliated columnar مش هتقدر تستحمل كل ده فستتحول إلى squamous ep. وبكده هتبقى قدرتها على العيش أحسن من الأول
بس المشكلة بقى ان الخلايا الجديدة مش هتقدر تقوم بوظيفة الوقاية بتاعة الخلايا القديمة يعنى مش هتقدر تفرز الـ mucus ولا هتقدر تقوم بالـ ciliary clearance والمشكلة الكبيرة أوى ان الشخص اللى بيحصله metaplasia بيكون معرض جداااا للإصابة بالسرطان لان الـ metaplasia بتعتبر pre-cancerous
ودى الكلمة اللى هتنقلنا لموضوع الشابتر الأساسى واللى احنا بنسمى الشابتر باسمه :
NEOPLASIA
يعنى ايه الكلمة دى ؟؟ يعنى نمو جديد -- وكلمة الـ neoplasm معناها new groth
يعنى أى نمو جديد اسمه كده ؟؟ طيب لو طفل صغير بينمو ، هنقول ده بيحصله neoplasia ؟؟
لأ طبعاااااصل الـ neoplasia دى مش أى نمو كده - لا - ده نمو مش طبيعى
ازاى يعنى ؟؟
يعنى مثلا عندنا خلية غلبانة ،،كل شوية يجيلها مادة غريبة مش طبيعية تحفزها إنها تنمو وتنقسم وتكتر عددها وهى مش عايزة - والمادة تفضل تضغط عليها لحد ما فى الآخر غصب عنها تبقى خلية مجنونة تفضل تنقسم
وتنقسم وتبقى كتيييييييير أوى - ومن كتر ما هى عمالة تنقسم بسرعة : بتطلع خلايا مش طبيعية - خلايا مش بتقدر تقوم بوظيفتها الأساسية - وفى نفس الوقت بتفقد جزئيا أو كليا قدرتها على الانقسام الميتوزى المنظم
ولا بتقدر تنضج بشكل سليم - وفوق كل ده ، شكلها مش بيبقى طبيعى ، وبتخلى الـ organ هو كمان شكله غريب - يعنى من الآخر .. ال neoplasm ده معناه بالعربى ايه ؟؟ ده معناه الورم واللى اسمه ... Tumor
يعنى ايه ورم ؟؟ سرطان يعنى ؟؟
الورم ده هو أى نمو جديد مش طبيعى ،،
لكن السرطان هو الورم الخبيث
وعلى ذلك : فاى سرطان يعتبر ورم - لكن مش أى ورم يبقى سرطانن
طيب احنا هندرس ايه ؟؟ هندرس الفرق بين الورم الخبيث Malignant tumor والورم الحميد Benign tumor
هنعرف كل واحد ايه شكله ؟؟ ايه صفاته المميزة ؟؟ وليه كل واحد اتسمى بالاسم ده ؟؟ هنعرف ليه السرطان بينتشر فى الجسم ؟؟ يعنى ليه بيبعت الخلايا المسرطنة لأماكن تانية ؟؟ وده اسمه metastasis وهناخد الميكانيزم بتاع الحكاية دى
هنعرف إن أى سرطان يا إما يكون من epithelial origin يا إما من mesenchymal origin
وطبعا فى كل حالة ممكن يكون malignant وممكن يكون benign
وهندرس الأنواع دى - وهنعرف صفاتهم - والفرق بينهم - وهناخد أمثلة وهنشوف شكلها ايه : سواء gross او microscopic
بعد كده عندنا محاضرة عن المواد المسرطنة
Carcinogenic agents
وأهم حاجة فيها كلللللها خاجة اسمها Examples of tumor markers
فى أنواع معينة من الأورام بتزيد فيها نسبة مواد ما فى الجسم - والمواد دى هى اللى بنكشف بيها عن وجود الورم من عدمه - وعندنا مثالين مهمين لاااااازم نعرفهم :
وبعد كده هنلاقى ..إن الشابتر خلص
| |
| | | د.كمال سيد Admin
عدد المساهمات : 2464 نقاط : 4252 السٌّمعَة : 9 الجنس : علم بلدك : تاريخ الميلاد : 03/04/1950 تاريخ التسجيل : 30/07/2012 العمر : 74 الموقع : السودان - سنار العمل/الترفيه : طبيب عمومى وموجات صوتية الساعة الان : دعائي :
| موضوع: رد: INTRODUCTION TO PATHOLOGY الثلاثاء نوفمبر 06, 2012 5:25 am | |
| introduction to CVS pathology
فى أول سطرين بيقولولنا خدوا بااااالكم انتو فاكرين إن الخلية عشان تبقى كويسة وصحتها تمام لازم يكون بيوصلها أكل كويس ، وأكسجين مناسب وبتتخلص من الفضلات بتاعتها وبس !!! لأ طبعااااااا لازم كمان إن السوايل بتاعة الجسم تبقى متوازنة ونسبتها طبيعية Normal fluid homeostasis
طيب ايه المشكلة بقى دلوقتى ؟؟ المشكلة كبيييرة : -
لو حصل أى خلل فى توازن السوايل دى - او أى خلل فى الدم الواصل للخلايا -- يبقى هتحصلنا مشاكل كبيييييرة - وده اللى هناخده فى 8 موضوعات ،،
يعنى ايه 8 موضوعات ؟؟ بعنى 8 مشاكل ممكن تحصل لو حصل خلل فى الحاجات دى .. وايه هم ؟؟
(1) - Ischemia
يعنى ايه الكلمة دى ؟؟ يعنى الدم مش بيوصل بصورة كافية ، لجزء معين فى الأنسجة ..
طيب وليه يعنى دى مشكلة ؟؟ ما احنا عارفين ايه المشكلة :
الأكسجين مش هيوصل بصورة مناسبة hypoxia وفى نفس الوقت ، الغذا اللى الدم بيوصله للأنسجة مش هيبقى بالكم الكافى ويبقى عندنا كده hypoxic malnutrition وعشان كده بيحصل damage فى النسيج
ده - وفوق ده كله ، مش بنقدر نتخلص من الـ waste products - وهتفضل الـ metabolites تتراكم فى الأنسجة - وده اللى بيسبب الألم ..
وممكن الـ ischemia دى تحصل فجأة - يعنى بيحصل انغلاق كلى مفاجىء للشريان Sudden complete occlusion of arterial circulation
وممكن تحصل بالتدريج زى لو شخص عنده تصلب الشرايين Atherosclerosis
وهيكلمونا عن كل نوع ايه التأثير بتاعه على الجسم
(2) – Infarction
يعنى ايه ؟؟ يعنى عملية تكوين infarct
هو احنا فاهمين الأولى عشان نفهم التانية ؟؟ طيب : ال infarct دى حاجة بتحصل فى النسيج لما يحصله sudden complete ischemia
طيب وايه بقى اللى بيحصل فى النسيج ؟؟ ايه ال ـinfarct ؟؟
دى عبارة عن نوع من التحلل الناتج عن عدم وصول كمية مناسبة من الدم واللى بيحصل إن الدم بيتقفل من الشريان كليا ،، وفى نفس الوقت مش بيحصل تصريف للدم عن طريق الأوردة
Infarct is alocalized area of ischemic necrosis resulting from sudden and completeocclusion of its arteria blood supply with impaired venous drainge
وهنعرف كل حاجة عن الـ infarction - هنعرف ايه الأسباب اللى بتخليه يحصل ؟؟ وايه العوامل اللى بتساعد فى حدوث الـ infarct ؟؟ وايه أنواعها ؟؟ وايه شكلها ؟؟ هناخد أمثلة عليها ..
فى القلب - الطحال - الكلية - الكبد - الرئة - الأمعاء الدقيقة - المبيض -- وفى واحدة هندرس شكلها gross & microscopic
(3) – Thrombosis[color=blue]عنى ايهthrombosis؟؟
يعنى عملية تكوين thrombus
ومعناها ايه دى كمان ؟؟ دى عبارة عن كتلة ( كلكيعة ) صلبة بتتكون من الصفائح الدموية ، والدم المتجلط ( شوية خلايا بيضا وحمرا ، متكعبلين فى شبكة من الفيبرين ) والكلكيعة دى بتيجى تسد الجهاز الدورى ، أثناء حياة الفرد
Thrombus is a solid mass formed mainly from platelets & clotted blood ( fibrinnetwork entangling red & white blood cells ) within the cardiovascular system duringlife .
فاكرين فى الأحياء - كانوا بيقولولنا إن الدم مش بيتجلط جوه الجسم عشان 3 حاجات :
إنه بيمشى بسرعة - وان الأوعية الدموية ملساء - وكمان وجود المواد اللى بتتفرز وتمنع تجلط الدم وتخلى قدرته على التجلط جوه الجسم قلييييلة أوى
يبقى عشان تحصل كلكيعة جوه جسمنا لاازم تتشقلب الحاجات دى :
يحصل قطع أو خدش فى الوعاء الدموى Endothelial injury
ويحصل تغير فى سرعة تدفق الدم Alteration in normal blood flow
وبرده تزيد قدرة الدم على التجلط Alteration in blood coagulability (hypercoagulability)
هناخد الحالات التلاتة ،،ونتكلم شوية عنهم ،، ليه بيحصلوا ، وايه دورهم فى تكوين الجلطة داخل الجسم - وهناخد الخطوات اللى بتتكون بيها وهناخد كل مكان بتحصل فيه سواء الأوردة ، أو الشرايين ، أو الشعيرات الدموية وحتى القلب - وشكلها بيبقى عامل ايه - وفى الآخر بيحصلها ايه
ويهمنا أوووى ان النوع اللى بيحصل فى الأوردة ليه نوعين لازم نعرف الفرق بينهم ونذاكر المقارنة - وبرده المقارنة اللى بين الـ Thrombus & clot
(4) – Embolism
عندنا حاجة اسمها embolus ودى برده كلكيعة ممكن تكون صلبة ، أو سائلة ، أو غازية - حاجات بتتجمع مع بعض ، والدم ينقلها لمكان تانى غير مكانها الأصلى - وممكن بقى تقف فى أى وعاء دموى صغير وتسده
Embolus is a detached intravenous solid, liquid, or gaseous mass, carried by the blood to a site distant from its point of origin
والـ embolism زى ما اتعودنا هى العملية نفسها
ممكن الـ embolism تكون thrombus عمالة تتحرك مع الدم فى كل حتة - ودى بتمثل 99% من كل الـ emboli
وعشان كده ممكن نقول إن الـ emboli ما هو إلا thrombus متحركة ، ومتنقلة ..
والنسبة القليلة أوى اللى فاضلة ممكن تكون fat وممكن تكون air زى واحدة بتولد مثلا -- وممكن يكون جزء من الورم الخبيث اللى عمال ينتشر فى الجسم ، وينتقل عن طريق الدم لحد ما يوصل لنسيج معين ، ويكمل المرض فيه
وهنتكلم عن الأنواع دى ،، وازاى بتحصل و ..... الخ
يتبع
| |
| | | د.كمال سيد Admin
عدد المساهمات : 2464 نقاط : 4252 السٌّمعَة : 9 الجنس : علم بلدك : تاريخ الميلاد : 03/04/1950 تاريخ التسجيل : 30/07/2012 العمر : 74 الموقع : السودان - سنار العمل/الترفيه : طبيب عمومى وموجات صوتية الساعة الان : دعائي :
| موضوع: رد: INTRODUCTION TO PATHOLOGY الثلاثاء نوفمبر 06, 2012 5:33 am | |
| (5) – Hyperemia & Congestion
هناخد كلمة كلمة ونفهمها Hyperemia يعنى زيادة نسبة الدم فى جزء معين من النسيج Local increased volume of blood in a particular tissue
بس بقى ممكن تكون active وممكن تكون passive يعنى ايهactive ؟؟ يعنى بيحصل dilatation of arteries & arterioles وعشان كده الدم بيزيد تدفقه ،، وده ممكن يكون فسيولوجى زى العضلات أثناء المجهود وممكن يكون باثولوجى زى الالتهاب الحاد ومش هناخد أكتر من كده فى الحتة بتاعة الأكتيف بس عايزين نعرف إن الأكتيف بنسميه hyperemia اما الـ passive بنسميه congestion ودى هناخد فيها 3 صفحات يعنى ايه الحكاية دى ؟؟ ازاى بتزيد نسبة الدم فى الحالة دى ؟؟ زى الحالة الأولى يعنى ؟؟ والشرايين بتوسع وتدخل دم كتير ؟؟ وفى الحالة الثانية بيحصل العكس الشرايين بتوصل الدم بالصورة العادية لكن الأوردة بقى ، اللى هى مفروض تاخد الدم ده وترجعه تانى الـ circulation مش هتشتغل يعنى impaired venous drainge وعشان كده كل الدم اللى بيخش هيفضل يتحوش ويزيد والدم ده مش هيبقى نقى ، عشان هو ddeoxygenated وهيبقى لونه مزرق عشان كده بنسمى الحالة دى congestion يعنى احتقان وهنعرف إن الاحتقان ده ممكن يكون local فى جزء صغير وممكن يكون systemic فى كل الجسم وكل نوع منهم ، يا يبقى حاد ، يا إما مزمن - وهاندرس الأنواع دى وهناخد أمثلة فى الرئة ، والكبد ، والطحال ، والكلى وهندرس كل مثال زى ما اتعودنا (6) – Edema
عمالين نتكلم عن الدم من الصبح متكلمناش عن الـ fluids العادية وعشان كده جابولنا الجزء المهم جداااااا ده السوائل اللى بتتراكم بصورة مش طبيعية سواء بين الأنسجةاو فى تجاويف الجسم serous cavities هنعرف ليه أصلا نسبة السوايل بتبقى متوازنة فى جسمنا وهنعرف برده ليه ممكن تحصل edema وهندرس أنواعها لو كانت فى جزء معين ولا فى كل أجزاء الجسم وكل نوع هناخد أمثلته وهنعرف بيحصل فين (7) – Hemorrhage
رجعنا للدم تانى عشان ندرس النزيفيعن هىروب الدم من الجهاز الدورى ،،الدم يطلع من مساره .. Hemorrhage is escape of blood outside the cardiovascular system
هنعرف ليه بيحصل ؟؟ وازاى بنصنف أنواعه ؟؟ وايه تأثير النزيف على الجسم ككل ؟؟ وصفحتين حلوين ينقلونا للموضوع الأخير ( – Shock
الصدمة -- السكتة - ايا كان معناها بالعربى Cardiovascular collapase الجهاز الدورى بيتقفل خالص وبيعرفوها إن فى الأول بيحصل انخفاض فى ضغط الدم وبعد كده الجسم مش بيوصله أكسجين والخلايا بيحصلها hypoxia طب الصدمة دى ليها أنواع ؟؟ اكييييييد : عندنا السكتة القلبية Cardiogenic shock زى واحد عنده large myocardial infarction وعندنا الـ hypovolemic shock السوايل بتاعة الجسم بتقل أوووى زى واحد عنده نزييييف حاااااااد وعندنا الـ septic shock يعنى شخص عنده عدوى شديدة بالميكروبات فطريات ولا بكتريا شديدة وصلت هى وسمومها للدم وآخر حاجة هنعرف ايه اللى بيحصل فى الجسم لما يحصل shock يتبع | |
| | | د.كمال سيد Admin
عدد المساهمات : 2464 نقاط : 4252 السٌّمعَة : 9 الجنس : علم بلدك : تاريخ الميلاد : 03/04/1950 تاريخ التسجيل : 30/07/2012 العمر : 74 الموقع : السودان - سنار العمل/الترفيه : طبيب عمومى وموجات صوتية الساعة الان : دعائي :
| موضوع: رد: INTRODUCTION TO PATHOLOGY الثلاثاء نوفمبر 06, 2012 5:44 am | |
|
** GRAULOMATOUS INFLAMMATORY DISEASES **
لكن الشابتر أساسا بيتكلم عن الأمراض المعدية ،،أول صفحتين بيتكلموا عن انتشار المرض والعدوى بيه فى الجسم ،،وهناخد الأمثلة بتاعتنا فى العملى ،،وهناخد برده مثال لمرض أهم ما يميزه وجود الصديد ، وده اسمه Actinomycosis
لكن بقى أول وآخر اللى هندرسه فى المحاضرات هو العنوان الكبير بتاعنا ،،
يتكلم عن ايه الشابتر ده ؟؟ بيتكلم عن أنواع معينة من الميكروبات ،،لما تدخل الجسم بتعمل التهابات المزمنة ، أهم حاجة فيها إنها بتكون Granuloma
يعنى ايه granuloma ؟؟
دى عبارة عن مجموعة خلايا معينة ، بتتجمع مع بعض وتعمل زى كلكيعة صغيرة small mass وتحوط البكتريا ، أو الفيروس ، أو الطفيل ... الخ عشان مينتشرش فى كل حتة فى الجسم ،،
يعنى استجابة الجسم للميكروب ده فى صورة نوع معين من الالتهاب المزمن ،،
طيب ايه هى أنواع الـ granuloma ؟؟ وازاى بتتكون ؟؟ طيب ايه هى الأمراض اللى بتتكون فيها جرانيولوما ، وهندرسها فى كتابنا ؟؟
هناخد أمراض بيكون سببها البكتريا زى السل ، والجذام ، وتصلب الأنف ، ومرض الزهرى ..
وهناخد أمراض بتسببها الطفيليات ،، زى دودة البلهارسيا ...
وهناخد مرض مش معروف سببه واسمه اللحمانية ...
هنبدأ بأهم مرض عندنا ،، واللى لازم ولابد ييجى عليه سؤال فى الامتحان
(1 ) - مرض السل TUBERCULOSIS واختصاره T.B
وده مرض معروف ، وكان منتشر فى الحقب السابقة ،، وبعد ما كان انتهى فى مصر ، رجع انتشر تانى ،، نظرا لانتشار مرض الإيدز ، ونقص المناعة ، فبالتالى البكتريا بقت مزدهرة كده وشايفة نفسها ،، ومنتشرة بصورة كبيرة ،،
مرض السل بتسببه بكتريا اسمها mycobacterium tubercle
bacilliهندرسها فى الميكرو بالتفصيل ،، وهنعرف شكلها ، وازاى نفصلها من العينة ، وازاى نقضى عليها ... الخ -- بس خطورة البكتريا دى فى أنها بتقاوم وبشدة الجفاف ، وممكن تعيش فى الغبار
والأتربة لعدة شهور ،، يعنى ممكن تبقى موجودة على الأرض ، وندوس عليها وننقلها للبيت وتعيش وتترعرع ، وتتنقلنا عادى ،،عشان كده المفروض نخلى بالنا واحنا ماشيين ،،
والمرض نفسه خطير لو كان مصاحب لمرض تانى ،،واحد مثلا عنده سكر ، أمراض مزمنة فى الرئة ، بيتعاطى كحوليات ( خمور ) ، فشل كلوى ، نقص تغذية ... الخ
ولو اتصاب كمان بالسل مع أى مرض من الأمراض دى ، تبقى كملت ،، ونسبة الخطورة زادت عنده .. وكمان المرض بينتعش فى البيئات الفقيرة اللى مفيهاش رعاية طبية وصحية ، وفيها مجاعات ..
وبينتقل عن طريق الاستنشاق للبكتريا ،، وفى نوع معين من البكتريا بينتقل عن طريق شرب اللبن ،، عشان كده المفروض منشربش اللبن قبل ما يتغلى ،، وكمان نعمل بسترة بعد غليان اللبن ،، وبما إن الموضوع صعب
شوية ،، فممكن بعد غلى اللبن ، نقلبه بسرعة ، ولفترة طويلة لحد ما تنخفض حرارته ،، وبكده نضمن موت معظم الميكروبات اللى بتتنقلنا مع اللبن ،،،هندرس كل حاجة عن مرض السل ،، وهنطلع من سنة تالتة عارفين
كل حاجة عنه إن شاء الله ،، سواء من الباثولوجى ولا الفارما ولا الميكرو ،، هنعرف ايه اللى بيحصل لما تدخل البكتريا للرئة ،، وهنعرف أنواع السل ،، وايه هى أنواع السل دى بقى ؟؟ :
فى نوع معين بيحصل لو دخلت البكتريا للمرة الأولى ،، لكن لو حصل واتعدى الشخص بيها تانى ، أو لو البكتريا القديمة بقت نشيطة تانى ،، هندخل فى نوع تانى مختلف شوية ،،
وفى فرق بين البكتريا اللى بنتعدى بيها عن طريق الاستنشاق ،، لأن الإصابة هتكون فى الرئة ،، أما لو اتعدينا عن طريق شرب اللبن ،، يبقى الإصابة هتكون فى الأمعاء ... ولو الشخص مناعته كويسة ،،
هيقدر يكون granuloma ويحد من انتشار البكتريا . و أما لو مكنش عنده مناعة ، فالمرض هينتشر ممكن فى الرئة ويعمل حاجة اسمها Miliary T.B
وممكن لأعضاء أخرى ، عن طريق الدم ، أو الأوعية الليمفاوية .. ومش هطول عليكم أكتر من كده فى مرض السل ،،
بس ياريت تهتموا بيه جداااا[/FONT]
(2) – مرض الجذام LEPROSY
وده مرض معدى برده ، بيصيب الجلد و الأعصاب الطرفية ،، وبيسبب تشوهات ملحوظة ... برده بتسببه بكتريا اسمها mycobacterium leprae
وفيها شبه كبير من البكتريا المسببة للسل ، فى الصفات العامة طبعا ..
المرض ده ممكن نتعدى بيه عن طريق تلامس الجلد ، أو الأغشية المخاطية للفم والأنف ،، لكن الجذام بصورة عامة ميعتبرش مرض معدى بصورة كبيرة أوى يعنى Not highly infectious
والدليل إن الدكاترة بيدخلوا عادى مستعمرات الجذام ، وبيتعاملوا مع المرضى من غير احتياطات شديدة ،،
عندنا نوعين من الجذام متوقفين على مناعة الشخص :
لو الشخص المصاب عنده مناعة قوية ، هيبقى المرض محدود ، وهتتكون granuloma والمريض مش هيتأثر بصورة واضحة ،، يعنى مجرد حبوب صغيرة فى الوجه اقل من 1 سم ، اسمها papules ،،،
ممكن أعصاب الوجه تتأثر ، ويحصل شلل للجفون ، وتقرحات فى قرنية العين ،،
لكن لو الشخص المصاب مناعته مش كويسة ،، هتجيله كل أنواع الحبوب ، صغيرة وكبيرة ، وهتبقى موجودة فى كل مكان فى الوجه ، وأطراف الجسم ،، وممكن كمان الأنف تلتهب ، و الحاجز الأنفى يتكسر ، وممكن
يوصل للبلعوم ،، وممكن الأعصاب لما تتأثر ، يفقد المصاب الإحساس فى أطرافه ( القدم واليد )
وعندنا فى الكتاب مقارنة بين نوعىّ الجذام مهم نعرفها ،،
(3) – مرض تورم الأنف الصلب RHINOSCLEROMA
وده صفحة فى كتابنا ،، أهم حاجة فيها كللللللللللها كلمة " Mickulicz cells "
ودى خلايا بنشوفها تحت الميكرسكوب ، ومميزة للمرض ده ،، المرض ده بيصيب الأنف غالبا ، ممكن يصيب البلعوم والقصبة الهوائية ،، وبيصيب الـ females more than males فى سن من 10 – 30
وبيقولولنا إن الجسم مش بيقدر يكون granuloma غالبا بشكلها المألوف ، لسبب ما .. وهندرس المراحل بتاعة المرض ده ، وكل مرحلة ايه شكلها
(4) – مرض الزهرى SYPHILIS (lues )
وده مرض تناسلى ،، بتسببه بكتريا اسمها Treponema pallidum ودى بتموت بسرعة بالصابون ، والبرودة ، والجفاف والمضادات الحيوية
مرض الزهرى إما يكون acquired وأغلب الحالات دى بيكون الانتقال فيها عن طريق الـ external genital organs وفى نسبة قليلة ممكن ينتقل عن طريق الـ lips , fingers , oropharynx وهناخد مراحل مرض الزهرى التلاتة ، وأشكاله المختلفة ،،
النوع التانى congenital
يعنى الأم الحامل المريضة ، بتنقل المرض للجنين بعد الشهر الخامس ، عن طريق المشيمة ،، وغالبا بتكون الأم فى المرحلة الأولى أو التانية ، عشان بيكون فى بكتريا نسبتها كبيرة ،، عشان كده لو تم علاج الأم قبل الشهر الرابع ، فى 90% من الأجنة ، هيتولدوا طبيعيين ،، طيب لو الأم متعالجتش ، ايه اللى هيحصل ؟؟ ممكن يحصل إجهاض فى الشهر الرابع أو الخامس وممكن الطفل يتولد ميت
وممكن يتولد حى ، ويموت بعد الولاد بسرعة وممكن بعد ما يتولد تبان عليه الإصابة وهو لسة رضيع
وده اللى بنسميه neonatal syphilis
وليه أعراض معينة وممكن الأعراض تبان عليه بعد ما يكبر شوية ، أو بعد سن البلوغ وبنسمى الحالة دى late syphilis
وبرده ليه أعراض معينة ..
والمرض ده مهم جداااا ، لا يقل أهمية عن مرض السل وسؤال الامتحان أساسى برده ،،
( 5 ) – مرض البلهارسيا BILHARZIASIS ( shistosomiasis )
وده بتسببه دودة البلهارسيا وهندرسه بأنواعه Intestinal bilharziasis Bilharziasis of the Liver ... Bilharzial Hepatic Fibrosis ( BHF )
Bilharziasis of the Spleen .. Bilharzial Splenomegaly
Urinary bilharziasis Bilharziasis of the Lung
وهندرس كل نوع بالتفصيل
وأخيرا
(6 ) – مرض اللحمانية SARCOIDOSIS
عايزين نعرف ايه فى المرض ده ؟؟ هنعرف إنه مرض مش معروف سببه ، مش شائع ، لكن فى نفس الوقت مش نادر , منتشر أكتر بين الـ females من سن 20 – 35 ممكن يصيب أى عضو ، والغدد الليمفاوية
والرئة بيتأثروا فى أغلب الحالات ،، وممكن العين والجلد ، الكبد ، الطحال والعظام يتصابوا برده ،،
وإنه باستخدام الـ corticosteroids بيتحسن الشخص المصاب وبيبقى المرض له good prognosis
هنعرف فى خمس سطور شكل العينة تحت الميكرسكوب ،، ودى كل حاجة تهمنا عن المرض ده مش أكتر
__________________
| |
| | | | INTRODUCTION TO PATHOLOGY | |
|
مواضيع مماثلة | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
|