كورونا وازاي نحمي نفسنا

كورونا وازاي نحمي نفسنا
بسبب تزايد أعداد المصابين بفيروس كورونا وأماكن تفشي الفيروس حول العالم، أعلن المدير العام لمنظمة الصحة العالمية تيدروس أدهانوم غيبريسوس الأربعاء 11 من مارس أن فيروس كورونا المستجد تحول إلى "جائحة عالمية".
ودول كتير رفعت حالة الطوارئ وأعطت منظمة الصحة العالمية توصيات للدول اللي ظهر فيها انتشار للفيروس بمنع التجمعات واتباع كل معايير السلامة ومكافحة العدوى للحد من انتشار الفيروس.
وفي ظل كل الأجواء دي حابين نطمنكم ونقولكم كام حاجة
 نسبة الوفاة بمتوسط 3.6%، يعني لكل 100 حالة بيموت 3 أو 4 حالات والحمد لله دي نسبة قليلة مقارنة بالأوبئة اللي انتشرت في أي فترة ماضية. أغلب المتوفيين من كبار السن لضعف مناعتهم ومرضى المناعة والأمراض المزمنة، وكمان سهل التعافي من الفيروس عن طريق مناعة الجسم ومهم جدا جدا نقوي مناعتنا سواء بالأدوية أو الأكل.
 أعلنت الصين ان نسبة كبيرة جدا تعافت من كورونا وقدروا يسيطروا ويحدوا من انتشار الفيروس.
بفضل ربنا ثم الجهود المبذولة في العزل والحجر الصحي في دول كتير على مستوى العالم حصل حد من انتشار الفيروس فيها
لكن إيه هيحصل في الأيام الجاية مفيش حد عارف لأن الفيروس جديد لسه مفيش معلومات كافية عنه ولا ليه علاج ولا لقاح
طيب ازاي تحمي نفسك وأولادك وعائلتك؟؟؟
النظافة ثم النظافة ثم النظافة لازم نغسل ايدينا دايما بالمياه والصابون ونعلم أولادنا كيفية غسل الإيد بطريقة صحيحة  طول ما احنا برا ياريت يكون معانا أي جل الأساس بتاعه كحول للتعقيم الدائم.
تعلم ثقافة العطس والكحة داخل منديل ثم رميه فورا في سلة المهملات وفي حال عدم توفر المنديل استخدم الكوع المثني التغطية الفم والأنف.
::تجنب نهائياً لمس الوجه ودعك العينين.
::تجنب البوس والأحضان.
::تجنب الأماكن المزدحمة.
::تجنب لمس الأسطح مع الحفاظ على تعقيمها باستمرار.
::تجنب المخالطة اللصيقة لأشخاص ظاهر عليهم أعراض البرد والإنفلونزا.
::تجنب التعامل مع الحيوانات البرية.
طهي الطعام جيدا وخاصة اللحوم والطيور والبيض.
غسل الخضراوات والفواكه جيدا.
:: الفترة دي تربة خصبة لإثارة الإشاعات والزعر ياريت منساعدش على كدا لأن دا مش في صالح أي حد فينا، كل اللي عليك وعلينا ناخد حذرنا ونتبع سبل الحماية اللازمة 
وزارة الصحة أعلنت عن اسم مستشفى في كل محافظة في حالة اشتباه الإصابة بأعراض فيروس كورونا كل اللي عليك التوجه فورا للمستشفى اللي اتحددت في محافظتك ولو تأكدت الإصابة بالفيروس هيتم نقل الحالة لمستشفى من مستشفيات الحجر الصحي ، هتلاقي في التعليقات أسماء المستشفيات اللي حددتها وزارة الصحة في حالة الاشتباه في الأعراض
نسأل الله لنا ولكم الصحة والعافية.


المصدر http://bit.ly/33aDOti

تسلم على الموضوع